Тошкентда болалар учун идеал бўлган бир нечта ажойиб боғлар мавжуд. Улар турли ўйин майдончалари, аттраксионлар, ўйинлар ва пикниклар учун яшил майсазорлар ва очиқ ҳавода дам олиш учун имкониятларни таклиф қилади. Бу жойлар барча ёшдаги болаларни хурсанд қилиш ва илҳомлантириш учун яратилган.
Luna Park
Ушбу парк 1600 квадрат метр майдонни эгаллаган ноёб кўнгилочар маскан. Бу ерда ҳар шанба ва якшанба кунлари рақслар, танловлар ва севимли қаҳрамонлар иштирокида жонли шоу дастурлари ўтказилади. Боғда турли аттраксионларга эга улкан ўйин лабиринтлари, арқон йўли, трамполин майдони, тоққа чиқиш деворлари, ижодкорлик ва қўл моторикасини ривожлантириш учун ўйин майдони мавжуд. Бундан ташқари, бу ерда улкан LEGO шаҳарчасига ташриф буюриш мумкин.
Anhor Lokomotiv Park
Анҳор боғи Тошкентдаги энг йирик истироҳат боғларидан бири бўлиб, йил давомида ишлайди ва очиқ ҳавода жойлашган. Бу ерда ташриф буюрувчилар ҳар қандай дидга мос келадиган турли хил аттраксионларни учратишлари мумкин, жумладан, Rolling Coaster ва Аnhor Star айланиш ғилдираги - Ўзбекистондаги энг баланд (баландлиги 72 метр) каби ноёб аттраксионлар. Парк кенг кўламли ўйин-кулгиларни таклиф қилади: экстремалдан сокингача. Болалар учун махсус аттраксионлар ва адреналинни яхши кўрадиганлар учун ноёб аттраксионлар мавжуд.
Central Park
Барча ёшдагилар учун ўйин-кулгиларнинг бой танловига эга парк. Бу ерда ям-яшил дарахтлар остида сайр қилиш, сувда сайр қилиш учун қайиқ ижарага олиш, пойга йўлида адреналин ҳис қилиш ёки амфитеатрда рақсга тушиш мумкин. Аттраксионлардан фойдаланиш учун парк кассасида тўлов картасини сотиб олиш тавсия этилади. Боғга кириш бепул.
Сизга қизиқ бўлиши мумкин: